Tuku i te amuamu

Me pēhea e tuku amuamu mō tētahi ratonga tautoko whaikaha e utua ana e te Manatū.

Tuku i te amuamu ki te kaiwhakarato ratonga

Mēnā he āwangawanga, he amuamu rānei āu mō tō kaiwhakarato ratonga onāianei, i ō tautoko whaikaha rānei, ka āki mātou i a koe ki te kōrero ki ngā tāngata e tautoko ana i a koe, i ō rātou kaiwhakahaere rānei, i te tuatahi. I te nuinga o te wā ka whakaea ngā take i taua wā tonu. Ko tā rātou kaupapa he tautoko i a koe, ā, me whakarongo rātou ki a koe.

Mēnā e hiahia ana koe ka taea tētahi whanaunga, hoa, kaiāwhina rānei te haere mai i tō taha i te wā ka tūtaki koe ki tō kaiwhakarato ratonga.

Ahakoa ka tuku amuamu koe ā-tinana, ā-tuhi, te noho muna rānei, me urupare te kaiwhakarato ratonga ki tō amuamu.


Tuku i te amuamu ki te Manatū Hauora

Mēnā e whakaaro ana koe kāore e taea e koe te tuku amuamu ki te rōpū e whakarato ana i ō ratonga tautoko whaikaha, ka hiahia rānei kia kawe tonu i tō amuamu ka āhei koe te tuku amuamu ki te Manatū Hauora mā tētahi o ēnei kōwhiringa.

Ina tuku amuamu ai koe ko te mōhiohio e homai ana koe ka noho muna katoa.

Tikiake me te whakakī i tā mātou puka amuamu

Ina whakakīia te puka e koe, īmērahia ki [email protected] mēra rānei ki DSS Complaints, Manatū Hauora, Pouaka Poutāpeta 5013, Te Whanganui-a-Tara 6140.

Īmēra mai, waea mai rānei

  • Īmēra ki a mātou ki [email protected].
  • Waea 0800 DSD MOH (0800 855 066)Kōwhiria te whiringa 4 me te kī e hiahia ana koe ki te tuku amuamu mō tētahi ratonga whaikaha.

Whakamahia te NZ Relay Service

Whakapā atu ki a New Zealand Relay Service i runga i 0800 771 771 mō te tautoko ki te tuku amuamu.

Ko ngā ratonga kawekawe (relay) mā ngā tāngata turi, he taringa waimaero, turi kāpō, ā, mō rātou he waimaero te kōrero e hiahia ana ki te kōrero ki ngā hoa, ngā whānau, ngā rōpū rānei. Kia whaimōhio atu ki te New Zealand Relay Service.


Ētahi atu wāhi ki te tuku amuamu

He whānui ngā wāhi e taea ana e koe te haere ki te tuku amuamu. Tirohia Ētahi atu wāhi ki te tuku amuamu.


He rauemi hei āwhina i tō amuamu

Mō ētahi mōhiohio whānui me te kupu āwhina, tirohia Ētahi atu mōhiohio mō te tuku amuamu mō ngā ratonga whaikaha.

Tikiake i tā mātou rauemi Te tuku amuamu ki ētahi atu reo

Back to top