He ngohe wai

Karapoti kau ana te moana i tō tātou whenua nei, nā reira ka pātata tātou ki te wai i Aotearoa ki te whānuitanga o ngā ngohe wai me ngā momo mahi a Te Rēhia. Mai i ngā hākinakina taikaha i te wai ki ngā ngohe whakatā i te taha, i roto rānei i te wai, katoa ngā tāngata ka whai take ki reira.

Photo of a sign in a grotto that reads 'Wai Māori Ngāi Māori'. Ka āwhina ngā ngohe wai i te tangata ki te whakatutuki i ngā mahi korikori tinana tae atu ki ngā tāngata katoa o Aotearoa.  Ahakoa tō kōwhiri, tō kuhu rānei ki ngā ngohe i roto, i runga rānei i te wai, kei konei ētahi mōhiotanga kia haumaru, kia ngahau, kia whai take hoki ērā ngohe katoa māu.

Waimāori, Tangata Māori

Ko ngā awa, ngā roto, me ngā moana tētahi tūāhua whai mana nui i te ahurea o Aotearoa. Ko te wai anō tētahi wāhanga nui ki ngā mahi ā-tinana i Aotearoa. Tūturu rawa te hononga a te Māori ki te wai kia toitū tōna ora, kia tau te mauri o tōna wairua.

Ko tētahi māramatanga o te kupu Māori, he tūturu, he urutapu, he horomata, koia te ahunga o te whakaaro Māori ki te kupu waimāori. Ko te wai ka whāngai, ka whakaora hoki i te hinengaro, te tinana, me te wairua o te tangata. Kei te wai e whai wāhi ai te tangata ki te tākaro, te whakangahau, te kaukau, te horoi, te whakatere haere, te whakawhiti whenua, te kohikohi kai hoki.

Ngā āheinga mutunga kore o te wai

Inā te wai me ōna tūāhua maha me te mea hoki ka maha ngā ngohe e pā ana ki te wai.

Photo of a team of kayakers on the harbour. Ahakoa te whakaaro whāiti o ētahi tāngata ko ngā ngohe wai ka kapi noa ki te mahi kauhoe, arā anō te whānuitanga atu o ngā ngohe ki runga i te mata tonu o ngā karekare wai. Anō ngā putanga o ngā ngohe papai pērā i te whakarewa ki te hau, te retireti manu aute, te waka ama, te rukuruku, te hoe waka ki ngā tāheke, te whaiawa mā ngā parenga, te whakatere mā te hau, te papa wake haere, te tuoma ki te wai, te hoe waka, me te maha tonu atu!

Kei ngā ngohe wai te whakapiki me te whakamahi o ētahi, o te katoa rānei o ngā korikori tinana e whā hei oranga tinana– ko te haukori, te tū whārite, te whakatautau hangore, me te torokaha, nā reira tirohia te pae tukutuku nei Water activities. Āta whirihia he ngohe ka whai pānga ki aua korikori tinana e whā, āta whakaarohia hoki ki tō kōeketanga haere.

Ngā painga o te korikori me te wai

E rua ngā painga nunui o te wai, hei werowero i te tangata, hei poipoi hoki. I ētahi wā, ko ēnei korikori, nekeneke hoki o te tinana ka taunaki painga mō te hunga e āhua tūroro ana.

Āe mārika, ko ngā painga o te korikori me te wai ka whakawhiwhia e te tinana nā te mea: 

  • Karekau he pēhitanga, ā, ka māmā hoki ngā taumahatanga i roto i te wai
  • He mamahutanga, he haumanu hoki
  • Ka whakamahi te tino nuinga o ngā taura uaua o te tangata
  • Ka rawe rawa atu mehemea e hapū ana te wahine
  • Ka mātaotao te tinana ahakoa te pakari o te korikori tinana

Kauhoe

Photo of a young boy sitting at the side of the pool with his goggles on. Ko te kauhoe pea te tino o ngā ngohe wai. Katoa ngā tāngata o Aotearoa ka kauhoe haere i te wā o raumati, ahakoa te tini tāngata kāore e mōhio ana ki te kauhoe hei oranga. Karekau he tōnga o te wā hei ako ki te kauhoe engari pea ka roa te wā i mua i te whakatutuki i ngā āheinga o te tangata mōhio ki te kauhoe.

I te tīmatanga, me āta haere, nāwai rā ka horo ake i te mahana haere o te tinana. Hei whāinga, me tīmata kia kotahi roanga noa iho o te puna kauhoe, ki tērā roanga rānei i te moana, mā tētahi o ngā rerenga. Tau ana te whakarite o te 20 – 30 mineti te kauhoe kia rua, kia toru wā ia wiki, mā konā kite ai i ngā hua.

He rautaki tā te rōpū Haumaru Wai o Aotearoa, ā, he hinonga hoki tā Sealord e mea ana Kauhoe Kia Ora, hei whakaarai atu ngā wharanga me te aituā toremi, tēnā tirohia te pae tukutuku nei learn to swim strategy. Ko te whāinga tēnei o tā Sealord Kauhoe Kia Ora, arā, kia taea e ngā tamariki katoa, tekau mā rua tau nei, te kauhoe mō te 200 mita. He tino pūkenga tēnei mō ngā tāngata katoa o Aotearoa.

Ko ētahi atu akoranga kauhoe, ko te whakakaha tinana i te wai, ā, ko te hūrokuroku i te wā hoki. He āhua rite tonu te whakakaha tinana i te wai. Ā, ko te hūrokuroku i te wai ka rite tonu ki te omaoma i te whenua, ā, ko te hāpai mā tētahi koti whakamānu, tatua whakamānu rānei te mea rerekē. Kei roto i te hūrokuroku i te wai ngā painga pērā ki te omaoma i te whenua.

Haumaru Wai

Photo of a group of swimmers in the harbour, with a kayaker alongside. Mena ka kuhu koe ki roto, ki runga rānei i te wai i rāwaho me arokā tonu ki ngā mōrearea o reira kei tūpono noa mai ngā āhuatanga hurihanga o te taiao. Tirohia te pae tukutuku AdventureSmart mō ā rātou rauemi pērā i te Water Safety Code me te Boating Safety Code kia pupuri haumaru tonu koe.

Tirohia hoki te pae tukutuku Kia Maanu Kia Ora kei reira ētahi whakatauākī haumaru e pā ana ki ngā ngohe wai:

  1. Kia Mānu, Kia Ora
    Stay Afloat, Stay Alive
  2. Akohia te kauhoe kia orapito
    Learn to swim and survive
  3. Matua tiakina ngā tamariki i te taha wai, i ngā wā katoa
    Always supervise children near water – ALWAYS!
  4. Manaakitia te mana o te wai
    Respect the power of water
  5. Kia mataara ki ngā tinihanga o te rangi, o te hau, o ngā tai hoki
    Be alert for changes in the weather, the wind, and the tides
  6. I a koe mā runga waka, whakamaua tētahi kahu toiora
    Always wear a lifejacket
  7. Kaua rawa e haere takitahi ki te hī ika, ki te kohi kaimoana rānei
    Never fish or gather shellfish alone
  8. Kia tika rawa atu te whakamahi taputapu wai
    Always use appropriate water safety equipment
  9. Kaua rawa e kauhoe haere ina ko koe anake
    Never go swimming alone
  10. Whakarongo atu ki ngā tohutohu a ngā kaitiaki, a te hunga o taua takiwā hoki
    Listen to the advice of lifeguards and locals

Ahakoa te momo waka, arā, he waka hoe, he reti pūtororē, he waka mā te hau, he rōnihi rānei me tū tika rawa atu te kaiurungi, Ko te tikanga o tērā, me matua mōhio ki ngā ture o te wai, me whakamau hoki ki ngā taputapu tika tae atu ki te rahinga tika o ngā kahu toiora mō ngā tāngata kei runga i te waka. Tirohia te pae tukutuku recreational boating mō ētahi atu mōhiotanga e pā ana ki ngā ture o te moana me ngā āhua pupuri haumaru i runga i te wai.

Mō ētahi atu mōhiohio


Kuputaka

  • arokā, awareness
  • hūrokuroku, jog
  • kahu toiora, life jackets
  • kaiurungi, pilot
  • kau āpuru, breaststroke
  • kau kiore, backstroke
  • kau aihe, butterfly
  • reti pūtororē, jet ski
  • rōnihi, rōnohi, motor boat
  • tāwhai, freestyle
     

For the English version of this page, go to Water activities.

This page was produced together with:

ACC – Prevention. Care. Recovery. Te Kaporeihana Āwhina Hunga Whara. Nō te rere moana Aotearoa – Maritime New Zealand. Sport New Zealand Toi Tangata. Water Safety New Zealand.

Back to top